(( منتدى قلب&& نجد ))

اخي زائر منتدى ابو محمد العماقه حياك الله ونشكرك على هذه الزيارة فأذا اعجبك الموقع فأهلآ بك عضو جديد ونافع للمنتدى بأذن الله
رسالة ادارية

{ أبو محمد عماقه الخالدي } { ياهلا وحياكم الله بيننا }


    مشاركه

    شاطر
    avatar
    نجداوي

    عدد الرسائل : 13
    تاريخ التسجيل : 18/03/2009

    مشاركه

    مُساهمة من طرف نجداوي في الجمعة 20 مارس 2009, 03:08

    يا ذا الجلال اللي عروشك فوق واملاكك حـــدر

    ومهماً تسامت به عروشه مستحيـــل يطولهــا

    يـا حـي يـا قيّـوم يـا ذا الأنافـة والكبـر

    ما نافسك في عظمتك مكـر العبـاد وهولهــا

    وما نافسك من عمّر بيوته على سطح القمـــر

    واللّي ترسي فـوق أقالـم المياه سطولهـا

    ما انته بحاجة من عبد ولا بحاجة مـن كفــر

    ولا بحاجـة ثابــت الدنـيـا ولا منقولـهـا

    أنت السميع لمن حمد وأنت المزيد لمن شكــر

    واللي ما يشكر نعمة المنعـم عليـه تزولهـا

    ياذا الجبروت العظيم ويا القديـر المقتدر

    تفزع لنا في معضـلات مـــا نريـس حلولهــا

    تلعب بنا خـلاّن فرغتنـا كما لعـب الكـور

    أن اقبلت صاحوا لها وأن دبّرت صاحوا لهـا

    لا هبّنا الطايف بعض الأحيان في فية عصــر

    شهب الليالي مـن ورانـا يسحبـن ذيولهـا

    أنت السلام اللي لك الإسلام وانت المشمخـر

    اللي عجايب قدرتك فـي المعجبيـن ذهولهـا

    سلام يا محمد رسول الله راعي الوجه الأغـر

    وسلام يا روح ملائكـة السمـا صلّـوا لهــا

    سلام يا بو بكر يا عثمان يا علي وعمـر

    وسلام يا سبـع الآفـاق أطلالهـا وسفولهــــا

    سلام يا صدق النوى سلام يا وسـع الصـدر

    سـلام يـا مفتـاح بيبـان الفـرج وقفولهــا

    وسلام يا شمس الضحى تشرق على بر وبحـــر

    وتشرق على كل الديـار جبالهـا وسهولهـا

    وسلام يا غر السحاب اللـي تبجـح بالمطـر

    وشم الجبال اللـي تبجـح بالسحـاب قذولهـا

    وسلام يا هوج الرياح اللي عطاها مستمـر

    مهما خذوا منها من الحسنات مـا ردوا لهـا

    ليت الرحاب اللي لنا بوجيههـا حق وقدر

    ما تضمحل من الزمان ولا نشـوف سمولهـا

    و ياليتنا لاا سرحنا اليوم الأبيض من فجر

    تبطي عبات الليل ما تضفـي عليـه سدولهـا

    ولاّ ليامنهـا ضفـن سدولهـا يطلــع بــدر

    يا صل ضياه اللي على الكوره تطق طبولهـا

    المعتبر يآخذ على الدنيـا دروس مـن العبر

    والنـاس يكسبهـا معاملهـا بقـد عقولـهـا

    أحيان تصدف لعبة الشاطر مع غلطـة عمـر

    مره .. لكن لا عدت الغلطة ما عـاد ينولهـا

    حنا عرفنا كلنا ما طـال مـن شـيء قصـر

    والأحلام ماتوا قبلنا شرهين ما وصلـوا لهـا

    حتى الجمال اللي تحمّلهـا الهقـاوي بالصبـر

    يالله بحملتهـا تقـوم وتــدّرج بحمولـهـا

    والحب سيسـان العبـادة والعبادة بالجهـر

    ان ما قدرت تقولها وجـه الصحيـح يقولهــا

    يسرون عميان المحبة تيه في غـدرا الغـدر

    للـي تحـد سيوفهـا واللـي تعـن خيولهــا

    ولا تفكـر فـي غنـاة ولا تفكـر فـي فقر

    وتشفع لبيضان الصدور احضوضها وفعولهــا

    واهل التكلـف بالمعرفـة والتصنـع بالبشـر

    والله ما هي حول الصحيح ولا الصحيح بحولهـا

    اللي يفضّل ما يقيم بو ميه مـن بـو عشــر

    حتى الفضولية عن الفاضـل بطـل مفعلوهـا

    اللي تخبره لحيته ذا ..طولهـا يصبــــح بـزر

    واللي تخبره بزر يصبح لحيتـه ذا ..طولهـا
    avatar
    اليمامه الزرقاء
    ادارية
    ادارية

    انثى عدد الرسائل : 1273
    الموقع : حيث ما شاء الله
    المهنه : محبة الله واحترام الناس
    تاريخ التسجيل : 15/02/2009

    رد: مشاركه

    مُساهمة من طرف اليمامه الزرقاء في الجمعة 20 مارس 2009, 03:20

    flower
    مشكورررر اخي نجداوي على هالأبيات الجميله
    وننتظر المزيد من ابداعاتك الشعريه
    تقبل مروري
    اليمامه الزرقاء flower


    _________________

    avatar
    الشمالي
    مراقب الأقسام العامة
    مراقب الأقسام العامة

    ذكر عدد الرسائل : 603
    العمر : 42
    الموقع : حيث اردني الله ان اكون
    تاريخ التسجيل : 04/03/2009

    رد: مشاركه

    مُساهمة من طرف الشمالي في الجمعة 20 مارس 2009, 07:44

    ابيات جدا جميلة ومعبرة اخي نجداوي


    تقبل مروري


    تحياتي

      الوقت/التاريخ الآن هو الثلاثاء 12 ديسمبر 2017, 12:14